? ? ? ? 個人勒拉每日個俗常生活中，衣食住行儕是離覅開“錢”個，今早仔科技已變得邪氣發(fā)達，智能手機也畀廣泛普及，吾伲身浪向可以覅帶一分錢，只要擁有一部智能手機搭網(wǎng)絡(luò)，就好去掃碼支付。
? ? ? ? 勒拉20世紀90年代初中期前頭，卻并覅是迭能樣子個，科技還覅是邪氣發(fā)達個，還嘸沒啥個智能手機，每戶人家擁有私人電話也是邪氣少個，只要是走出勒屋里向，身浪向多多少少儕是要帶一眼眼“錢”唻以防萬一，為個是生怕勒末生頭有需要去使用“錢”個地方。
? ? ? ? 勒拉老底子個辰光，勒拉通常情況下頭唻講伐，像“鈔票”迭個詞眼就是指“錢”，而且“鈔票”迭個詞眼，伊頂頂主要還是指紙幣，伊個名稱，覅是畀老百姓叫作“紙幣”，就是畀老百姓叫作“鈔”，頂頂早個辰光就是勒拉歷史浪向金貞元二年發(fā)行個“交鈔”，凡是“交鈔”個面額達到100文到700文之間個，儕是畀叫作“小鈔”，伊是搭鑄幣同時使用個。自從清朝政府發(fā)行“大清寶鈔”搭“戶部官票”以后，兩者之間合并起唻叫作“票鈔”或“鈔票”。從此以后，“鈔票”迭個詞眼儕畀老百姓泛指為各種面額個紙幣搭銀行券。到清朝中后期以后，就勒拉俗語當中，“付錢”就畀叫作“會鈔”。
? ? ? ? 吾是一個土生土長個上海人，上海人對于“錢”迭個詞眼是有得交關(guān)多個講法唻。老一輩個上海人儕是歡喜畀“錢”迭個詞眼叫作“銅鈿”，像迭個詞眼個上海方言閑話讀音個注音就是：【dondie】，“鈿”迭個詞眼，伊原本所要指個意思就是勒講：凡是屬于邪氣珍貴個金銀珠寶首飾。上海個語言也同樣是屬于吳語方言體系個，然而，勒吳語方言體系當中，或者講，勒上海個方言俚語詞語當中，伊個含義就是指那些畀泛指為由金屬制作而成個、各種面值個貨幣。覅僅是迭能哦，對老底子老一輩個上海人唻講伐，上海人每趟勒購買各種么事或各種商品個辰光，經(jīng)常性會得開口去講迭能一句閑話哦，曰：“迭樣么事要幾鈿啊？！”或者又會說：“迭樣么事（商品）到底需要多少銅鈿儕好買伊啊？！”迭兩句滬語方言閑話個意思是講，吾需要支付多少銅鈿以后，儕能夠去購買迭樣么事或迭樣商品啊？！……
? ? ? ? 吾還要講個一句閑話就是，勒上海有一個方言俚語詞眼叫做“煞根”，伊個含義就是指“極致到頂”“極致得覅能再極致”個意思，迭個詞眼是英文“Shocking”演化而唻個。還或者，顧客會采用滬語方言對營業(yè)員唻講道：“迭樣么事（迭樣商品），煞根價到底是幾鈿吾好拿勒就跑啊？！”迭句話個意思是講：最低啥價鈿吾能拿走伊。
? ? ? ? 勒吾伲國家古代個辰光，對于絕大多數(shù)個普通老百姓唻講伐，能夠獲得一大筆錢，覅管迭筆錢，是銀子（票），還是銅錢，儕是屬于交關(guān)覅容易個一樁事體，依舊是對于絕大多數(shù)個普通老百姓唻講伐，頂多只好待勒自家屋里向去數(shù)數(shù)那些小面額個銅錢，也正因為是迭能樣子個，從而就造成“銅鈿”迭個詞眼就應(yīng)運而生，雖說“銅鈿”伊原本個意思就是勒講“銅制個錢幣”，勒吳語方言閑話體系當中，尤其是上海人，覅管是各種面值個“紙幣錢”，還是其他材質(zhì)個錢幣，儕是畀叫作“銅鈿”個，“銅鈿”就等同于各式各樣個錢幣。“銅鈿”迭個詞眼是屬于邪氣老派個，到勒今早仔，只有上勒年紀、至少歲數(shù)勒七八十歲個老爺叔搭老阿奶們，儕會得去講講個，恐怕對于今早仔個年輕人，覅僅是覅會得去講講個，還覅一定會曉得迭個詞眼。
? ? ? ? 勒老底子個辰光，自從古人發(fā)明“銅鈿”迭個詞眼以后，到上海迭座城市，上海人勒講“銅鈿”個辰光，老一輩個上海人，還交關(guān)歡喜勒“銅鈿”個后頭去添加“銀子”迭個詞眼，從而就演變成為“銅鈿銀子”，還因為自從擁有“銅鈿銀子”迭個詞眼以后，經(jīng)過歷史個變遷搭發(fā)展，還有去發(fā)明如下個三句俗語閑話句子，迭個三句俗語閑話分別就是：“銅鈿銀子關(guān)心境”“銅鈿銀子性命交關(guān)”“銅鈿銀子壓煞人”。據(jù)吾所了解到個情況，覅僅是上海人會去講講迭句俗語“銅鈿銀子關(guān)心境”話語個，就連江蘇蘇州地區(qū)個人，也同樣是會去講講迭句俗語閑話個，還因為上海是屬于一座移民搭五方雜處個城市，像迭句閑話就是從蘇州地區(qū)流傳到上海個。像迭能個三句閑話伊所要表達個意思搭含義會是啥么事？！按照今早仔個一種講法，頂主要還是有如下個兩層意思，第一就是說：某個人或某戶人家有邪氣多個銅鈿；第尼就是講：銅鈿覅是萬能個，要是嘸沒銅鈿卻是萬萬覅能個！
? ? ? ? 當中國由半封建半殖民地跨入到近（現(xiàn)）代化社會個全過程中，同樣是會擁有各種面值個硬幣，起先發(fā)明個就是“銅鈿”迭個詞眼，到后唻又去發(fā)明“洋鈿”迭個詞眼，迭兩個詞眼，覅僅是屬于具有歷史方面?zhèn)€意義，而且還充滿著時代方面?zhèn)€氣息，真?zhèn)€可以講是兩者兼而有之個。勒上海迭座城市個歷史浪，當時光迭部列車駛?cè)氲健爸腥A民國時期”以后，但凡是從外國引進到中國唻個各種物品搭商品，上海人就是歡喜勒各種物品搭商品個前頭去添加迭個“洋”字個。
? ? ? ? 比方講：勒老底子個辰光，下雨天撐個傘，頂早儕是畀叫做“油紙傘”個，自從由外國引進到上海灘浪、那些新式輕便個、下雨天撐個傘就畀叫作“洋傘”；喫香煙燒飯所要去使用個新式火柴畀叫作“洋火”；勒老底子個辰光，中國人則是嘸沒啥個電燈個，到夜快頭以后，但凡是照明所使用個油，就畀上海人叫作“洋油”；凡是種種真可謂是舉不勝舉個，要是再去舉例說明，還是能尋到交關(guān)多個。勒上海方言閑話當中，覅管是何種類型個詞眼，只要是勒詞眼個前頭，去添加一個“洋”字以后，迭件物品肯定就是從外國引進唻個。
? ? ? ? 像“洋鈿”迭個詞眼也是覅好去例外個，伊也同樣是迭能樣子個！就勒晚清民國時期，伴隨著西方列強唻到中國搭上海迭座城市以后，有大批量個外國“銀元”流入到中國搭上海迭座城市。順大便要去講清爽個一樁事體就是－－貨幣“銀元”是由外國人率先發(fā)明出唻個，“銀元”起源于15世紀個歐洲，一到中國以后，就畀中國老百姓俗稱為“洋鈿”搭“大洋”，迭個是對“銀鑄幣”個一種統(tǒng)稱。然而，上海人頂歡喜叫作“洋鈿”迭個詞眼，還因為“洋鈿”儕是由銀子（元素）去鑄造而成個，所以上海人交關(guān)歡喜勒詞眼“洋鈿”個前頭，去添加一個“銀”字，叫作“銀洋鈿”。因為吾愛好收藏各種錢幣個緣故，還特特惠惠去查閱過覅少銀幣方面?zhèn)€史料。根據(jù)歷史資料個顯示，到晚清宣統(tǒng)二年個辰光，即：公元1910年，調(diào)查統(tǒng)計以后得出迭能一個結(jié)論唻，就勒迭個一年個里向，所流通個各種中外銀圓，大約摸就擁有十一億枚之多，而且勒其中尤其是以“墨西哥鷹洋”是唻得邪氣居多個，“墨西哥鷹洋”就要去占據(jù)到全中國三分之一個份額。
? ? ? ? 歷史個車輪到“中華民國時期”個辰光，中國國家也向外國國家學習，同樣也是去建立銀本位個貨幣制度，銀圓從此以后就成為最為主要個流通貨幣之一。凡是由外國流通到中國唻個，而且還是由銀子鑄造而成個、各式各樣個銀幣，儕是畀掰搿辰光個老百姓叫作“銀洋鈿”。實際浪向到晚清時期，也同樣是去鑄造有銀幣個，頂早鑄造銀幣個辰光勒拉“清光緒”時期，伊個名稱就叫作“光緒元寶”，到“中華民國”以后，還鑄造過以“袁世凱”搭“孫中山”為頭像個“銀幣”，只為表示搭外國銀幣是有所區(qū)別個，凡是銀幣上面擁有“袁世凱”搭“孫中山”為頭像個各種銀幣，分別就畀上海老百姓叫作“袁大頭”搭“孫大頭”，老百姓就覅去使用“銀洋鈿”迭個詞眼。
? ? ? 自從中國人或上海人去發(fā)明“洋鈿”搭“銀洋鈿”兩組詞眼以后，辰光一長久而久之長此以往下去，勒老底子個辰光，辰光至少也要勒20世紀90年代初中期個前頭，勒上海人每日個俗常生活中，對于鈔票個數(shù)量單位唻講伐，雖說勒鈔票個上頭印有多少多少元，只畀過，上海一直以唻是覅大歡喜去使用“元”迭個詞眼個，而是歡喜去使用“塊”迭個詞眼，光光講迭個詞眼還覅唻三、覅算數(shù)個，還要勒“塊”個后頭去添加“洋鈿”迭個詞眼個，顧客覅管是去商店里向買賣各種物品或各種商品個辰光，還是去小菜場里向去買賣各種小菜個辰光，每趟勒向攤主詢問商品價鈿個辰光，眼扳數(shù)就是要去討價還價個，還會用滬語方言去問攤主，曰：“迭樣么事（商品）到底要幾塊洋鈿啊？！”或曰：“迭條鱸魚到底要支付幾塊洋鈿就好賣畀吾啊？！”……迭兩句話個意思是講，吾需要支付多少銅鈿，儕可以畀商品買勒跑。
? ? ? ? 還比方講：“一塊洋鈿”“五塊洋鈿”……就算上海人講講輔幣“角”搭“分”個辰光，覅管是紙幣輔幣，還是硬幣輔幣，眼扳數(shù)就是要去添加“洋鈿”迭個詞眼個，五分洋鈿一把蔥，一角洋鈿三塊老姜……要是講有人勒講講幾元一件或幾元一斤之類個閑話，上海個營業(yè)員眼扳數(shù)是要勒背后頭去講迭能個一句滬語方言閑話，講道：“剛剛唻買么事個人，真?zhèn)€就是屬于一個標標準準個洋盤，有一眼阿鄉(xiāng)兮兮（滴答）個，大概伊今早仔是剛剛從十六鋪碼頭上唻！”……
? ? ? ? 吾勒上段文字當中，最后所撰寫個迭段滬語方言俚語閑話，伊個含義搭意思就是勒講：某個人，樣樣么事儕覅懂個，尤其是覅懂上海人勒方方面面?zhèn)€人情世故，以及上海人個習慣用語搭生活方式。
? ? ? ? 勒老底子個辰光、勒第四套人民幣還嘸沒發(fā)明個前頭，銅鈿頂大個面額為“十元”，從大到小，上海人勒講銅鈿金額個辰光，最后眼扳數(shù)要去添加“洋鈿”迭個詞眼個，只畀過，也是有例外個辰光，自從國家開始發(fā)行第四套人民幣，票面面值有50元搭100元面額個人民幣以后，上海人每次勒講到迭個兩種人民幣面額個辰光，就再也覅會去添加“洋鈿”迭個詞眼，為啥呢？！有交關(guān)多個上海人儕一致認為，要是添加以后，讀起唻就會顯得覅大流利，總覺著有眼拗口個。
? ? ? ? 勒老底子個辰光，輔幣個面額分別就是“角”搭“分”，也就是今早仔講個“零錢”。還因為勒老底子個辰光，上海人所使用個零錢，使用硬幣唻得邪氣多，紙幣個零錢是覅大去使用個，因此講，上海人對于輔幣（零錢）是有兩種講法，第一種叫作“鉛道羅”；第尼種叫作“鉛角子”，“鉛角子”個上海注音就是為：【Khae Kok Tsy】。第一種講法是因為：外幣零錢（輔幣）儕是硬幣材質(zhì)個，而覅是紙幣，“元”個英文單詞叫作“dollar”，所以上海人就采用直接音譯法，畀“dollar”翻譯成為“道羅”，久而久之辰光一長，就中西合璧起唻，就畀輔幣“零錢”叫作“鉛道羅”。第尼種講法是因為：“角”說個是銅鈿個面值，“子”只畀過是名字后頭個一個后綴罷了，“角子”原唻個意思是指以“角”為面值個硬幣，到后末唻畀泛指為硬幣搭零錢。
? ? ? ? 凡是交關(guān)細心個朋友，就會去發(fā)覺迭能一樁邪氣有趣、有意思個事體，覅管是啥個面值個銅鈿，尤其是輔幣銅鈿，小到一分洋鈿，大到一塊洋鈿，覅是采用“鉛”元素去制作而成個。嘎么，為啥事體上海人歡喜勒頂前頭去添加迭個“鉛”字呢？！就是因為，既覅管是土生土長個上海人，也覅管是土生土長個吳越體系人，是有迭能一種習慣個，歡喜畀各式各樣個金屬去統(tǒng)稱為“鉛”。就列舉兩個例子唻加以說明情況。還比方講：“鉛桶”，實際浪伊是由“鐵”制作而成個“桶”，“鉛絲”實際浪向儕是由“鐵”制作而成個“鐵絲”。
? ? ? ? 勒老底子個辰光，那些老一輩個上海人，每趟只要是講到“銅鈿”或者鈔票個辰光，眼扳數(shù)是要去添加兩個副詞詞眼個，迭兩個副詞詞眼就是“麥克麥克”。比方講：“儂看呀，李家爺叔經(jīng)過自家個努力，開勒一爿煙紙店以后，嘸沒過忒多少辰光，伊賺勒交關(guān)多個銅鈿，手里向個鈔票也變得麥克麥克起唻勒！”……迭句閑話意思就是講：李家爺叔經(jīng)過自家個努力以后，經(jīng)商獲得交關(guān)多個銅鈿。實際浪唻講伐，像“麥克”迭個詞眼就是英文單詞“much”個上海音譯方式，伊就是根據(jù)英語發(fā)音直接音譯過唻個，“muchu”中文含義搭意思就是勒講：交關(guān)多個意思。“麥克麥克”，今早仔個上海人就講得邪氣少勒，恐怕對于年輕一代個上海人唻講伐，還覅一定會曉得迭個詞眼個。
? ? ? ? 伴隨著辰光個流逝，像“麥克麥克”使用個頻率就變得邪氣少，自從“麥克麥克”迭個詞眼，再也覅去使用以后，上海人對于某戶人家或者某個人，擁有交關(guān)多個銅鈿以后，就喜歡用“分挺”“挺分”搭“立升”迭三個詞眼予以替代之。比方講：“小張今早仔分還是蠻挺個，袋袋里向儕是人民幣，今早仔中浪向喫中飯個銅鈿么，想辦法就叫伊唻買一個單覅就好勒嘛！”還比方講：自從擁有電冰箱以后，大家儕會去使用“立升”迭個詞眼，為個就是表示電冰箱個尺寸到底是有多少個大小，久而久之辰光一長，聰明個上海人，就畀“立升”采用擬人化個手段去比喻人，但凡是那些擁有交關(guān)多個銅鈿人家或個人，或者講某些職權(quán)位高個個人，儕是會采用“立升”唻替代，一般是講某人有經(jīng)濟實力、有能力、有實權(quán)，是屬于一個中性詞眼。
? ? ? ? 除忒上頭所講個，各式各樣有關(guān)于“錢”個詞眼以外，實際講伐，勒上海個方言俚語閑話當中，還有得交關(guān)多個詞眼當中，同樣也是指“錢”迭個詞眼個，吾就繼續(xù)唻列舉十個例子，繼續(xù)講下去吧！
? ? ? ? 第一就是：個人能夠支配個私房小銅鈿畀叫作“小戶銅鈿”搭“私房（銅）鈿”。比方講：私房銅鈿么要囥囥好，要是畀老婆發(fā)覺并曉得以后，眼扳數(shù)要畀伊沒收忒個，到辰光活絡(luò)銅鈿就嘸沒！
? ? ? ? 第尼就是：上海人歡喜畀小面額紙幣叫“單票”，凡是票面金額低于“十塊洋鈿”儕叫作單票。比方講：一塊洋鈿、五塊洋鈿。
? ? ? ? 第三就是：勒老底子個辰光，要是有人去商店或者“煙紙店”買賣各種物品個辰光，【備注：“煙紙店”是滬語方言，意思就是指上海灘浪專門經(jīng)營日常用品為主個小雜貨鋪子。】但凡是找回唻個零錢，上海人儕是叫做“找頭”個。比方講：有人買好各種商品，拿好商品算好價鈿以后，就會對營業(yè)員唻講迭能一句滬語方言俚語閑話個，會講道：“喂，營業(yè)員儂找頭找得覅大對頭個，儂頂起碼還要少找吾三角洋鈿鉛道羅唻！”迭句閑話意思就是勒講，營業(yè)員找顧客零錢個辰光，覅是嘸沒算準確，就是由于自家個粗心大意，少畀勒三角洋鈿。
? ? ? ? 第四就是：老底子個辰光，尤其是國家勒發(fā)行第尼套搭第三套人民幣個辰光，伊個鈔票票面金額頂頂高也只有“十元”，所以講那些老一輩個上海人，除忒交關(guān)歡喜去講講“十塊洋鈿”以外，還歡喜去講講“一張分”，所謂個“一張分”，伊就是指“十塊洋鈿”。
? ? ? ? 第五就是：對于那些老一輩個上海人唻講伐，長期以唻一直儕是擁有迭能個一種習慣哦，上海人還歡喜畀一些“零錢”，既覅管自家個身邊擁有多少個零錢，也覅管是紙幣一類個零錢，還是硬幣一類個零錢，還只要是零錢個票面金額儕是覅滿一塊洋鈿人民幣，儕是畀叫作“賴頭分”個，比方講：有上海人會講講迭能一句上海方言俚語閑話個，講道：“還只要是讓吾挨過三五天工夫以后，就要到10號勒，等到勒10號儕是吾發(fā)工鈿個辰光，可惜勒迭個幾天，吾袋袋里向基本哴向已經(jīng)是空忒勒，也只畀過是省挺下唻一眼眼賴頭分而已！”……迭句閑話意思是講，吾個口袋里也只是剩下一眼眼零碎個銅鈿！
? ? ? ? 第六就是：勒交關(guān)長個一段辰光，老一輩個上海人還是交關(guān)歡喜去講講“一粒米”迭個詞眼，迭個詞眼頂早又是從啥個辰光，儕開始講起唻個呢？！就是從20世紀70年代末期到20世紀80年代初期個辰光，逐漸個開始流行起唻個，因為勒掰搿辰光，勒中國個大地上，陸陸續(xù)續(xù)個出現(xiàn)有“萬元戶”個人家，而像迭能個人家如雨后春筍一樣變得越唻越多，伊個意思就是指人民幣一萬塊。比方講：時唻運唻推覅開，今早仔吾運道哪能嘎么嘎好啦，吾畀股票拋忒，去忒車馬鈿以后，正好賺到一粒米。迭句話意思講吾勒股票浪賺到1萬元。
? ? ? ? 第七就是：對于那些老一輩個上海人唻講伐，勒老底子個辰光，那些“（過）路費”“路橋費”或“手續(xù)費”叫作“車馬鈿”。
? ? ? ? 第八就是：對老一輩個上海人唻講，每個號頭個“工資”，上海人儕歡喜叫作“工鈿”迭個詞眼。比方講：老張搭老李兩個人是交關(guān)要好個朋友，某一天兩個人勒一道“嘎訕胡”“談山海經(jīng)”個辰光，【備注：“嘎訕胡”搭“談山海經(jīng)”是滬語方言，意思就是指聊天。】老張就詢問道：“儂伲子每個號頭工鈿好拿幾鈿，有多少工鈿啊？！”老李講道：“每個號頭稅后好拿到工鈿八千洋鈿。”老李也同樣向老張去問迭句閑話，老張就接下去講道：“儂千萬覅要去動氣哦，儂個伲子忒吾個囡魚是覅好比個唻，伊稅后正好拿到一粒米！”……
? ? ? ? 第九就是：上海人歡喜畀“賺銅鈿”叫“扒分”。比方講：有兩個好友小王搭小孫勒一道嘎訕胡談山海經(jīng)，小王講道：“儂近搶把勒拉啥個地方高就扒分啦？！”小孫就唻講道：“吾還是勒拉原唻個單位做生活，做一休一，休息個辰光，通過炒股票唻扒分。”……
? ? ? ? 第十就是：上海人畀“資金周轉(zhuǎn)”迭個詞眼叫作“調(diào)頭寸”。比方講：小孫業(yè)余辰光就是歡喜炒炒股票，近搶把看中某只股票，手頭浪還缺少一眼眼資金，就問老朋友小王唻調(diào)一個頭寸，勒電話里就對小王唻講道：“儂是曉得吾歡喜炒股票個，吾伲是要好老朋友，覅好意思啊，今早仔吾要向儂唻調(diào)一個頭寸，還缺三五萬銅鈿，只要儂肯借三五萬銅鈿，等賺到銅鈿以后，吾伲兩個人五五分賬！”……
? ? ? ? 當文章寫到此地個辰光，也已經(jīng)是接近末尾，快要結(jié)束個辰光，吾本人還想去講講迭能個一句閑話哩，實際浪向，就勒上海迭座城市個歷史浪向，還勒上海方言閑話個發(fā)展搭演變個全過程中，還會擁有交關(guān)多個上海方言閑話詞眼唻，就是從英文單詞直接音譯過唻個，覅是去采用上海閑話當中個讀音方式，就是去采用其他地方方言個讀音方式，譬如說“水門汀”“司的克”搭“斯達特”……“水門汀”就是指“水泥地”；“司的克”就是指“拐杖”；“斯達特”就是指日光燈啟動器；凡事種種舉不勝舉，吾還是能尋到交關(guān)多個！……
? ? ? 【備注：①：文章為作者原創(chuàng)；②：各種搭文章有關(guān)系個圖片、各種老上海風情圖片、人民幣圖片儕是唻源于網(wǎng)絡(luò)上頭；③：萬分感謝原創(chuàng)圖片。】
? ? ? ? 杜老倌俠客居（陸偉）寫于2021年03月04日禮拜四夜里向
