【九洲芳文】如風往事之－－再講關于剃頭發迭樁事體【滬語方言文章】

IP屬地: 澳門

4.2 2021.01.20 12:27 字數 4272

? ? ? ? 勒迭個前頭，吾已寫過兩篇叫做《如風往事之－－漫談關于剃頭發這件事情》搭《如風往事之－－講講關于剃頭發迭樁事體》個文章，總覺著有些意猶未盡缺少一眼么事，還有話嘸沒去講完，還是有些話語可以拿出唻講講個，因此，就決定再撰寫一篇剃頭發個文章。

? ? ? ? 我是土生土長個上海人，勒國語當中搭“理發”有關系個詞眼，勒吾所在個城市上海、勒滬語方言俚語閑話中，會演變成為三組詞眼，伊拉分別是指：“剃頭發”“剪頭發”搭“汏頭（發）”。其中“汏頭（發）”就是指“洗頭發”。勒一般情況下唻講，唯有那些女性個同胞儕會去使用迭個詞眼，而且頻率是唻得邪氣高個。比方講：兩位熟識個女性相互間勒馬路浪碰著，互致問候嘎訕胡，其中一位會講：“今早仔吾去剃頭店汏汏頭。”意思就是講去理發店美容美發。

? ? ? ? 吾出生于20世紀70年代個末期，撥大家稱之為“70”后，正因為是迭能，自家對于剃頭發迭樁事體，記憶頂清爽個就是－－凡是從吾伲那個年代過唻個人，而且年齡搭吾相仿、相差無幾個一代人，也是有經歷過計劃經濟迭個年代個，吾所經歷過個計劃經濟年代，時長頂少也要擁有十五六年個辰光。那個年代個男小囡，發型幾乎是一色似樣個，清一色個板寸頭，剃頭發至耳根以上，整齊干凈即可。

? ? ? ? 回過頭想想，吾還發現迭能個一個問題，勒計劃經濟個年代里向，但凡是搭吾個年紀差覅多個人，基本浪向儕是以板寸頭頭型為主個，絕對覅會去剃其他類型個發型。為啥事體要去剃迭能一個發型呢？！儕是爺娘個要求唄！只因為勒吾伲那個年代還處勒計劃經濟時期，覅僅爺娘個收入是有限個，而且每家每戶個收入儕是相差無幾個，更何況上海人儕會得精打細算個去過日腳。一樣去剃頭店剃頭發，每趟去剃一個板寸頭個閑話，多多少少能減少去剃頭店個趟數，能撥屋里省一眼銅鈿，以便能撥省下唻個銅鈿用勒其他需要用銅鈿個地方。

? ? ? ? 常樁聽到老輩人講迭能個一句話，曰：“有力長發！”意思是講：凡力氣大個人，頭發長得邪氣快。雖然吾從小到大力氣并覅大，但頭發也是長得邪氣快！剃頭發基本浪向保持頂少勒三個禮拜一趟。

? ? ? ? 為啥事體吾頂少也要等到過忒三個禮拜以后，就要去剃頭店剃頭發呢？！除忒因為自家個頭發長得邪氣快個緣故以外，還因為自家個頭發又是屬于那種長得交關個硬哦，撥剃頭師傅們感覺就是屬于硬邦邦類型個，一旦吾個頭發長得交關長以后，就好像是公雞個雞冠一樣，而且根根頭發儕會得翹起唻個，即便勒后唻發明有美發用個摩絲，還即便是吾使用過摩絲以后，勒當天是沒事個，等到第尼天依然如故、頭發依舊是要翹起唻個，所以儕要勒迭個辰光段里向去剃頭發。

? ? ? ? 勒掰時，吾就發現迭能個一個現象，覅曉得到底是啥個原因，處勒吾伲那個年代里向個男小囡儕是犯有一個通病，大家也儕是覅大歡喜剃頭發迭樁事體個，也儕是交關討厭剃頭發個。每當等到要剃頭發個辰光，還只要是聽到爺娘講：“去剃頭店剃頭發。”吾伲覅是逃之夭夭，就是又哭又鬧耍無賴，能躲則躲，反正是無所覅用其極。

? ? ? ? 吾還常樁聽到有人講過迭能個一句閑話，曰：“只有那些女性同胞們儕會去采用‘一哭’‘二鬧’‘三上吊’個種種覅好手段！”……吾伲勒掰搿辰光，竟然也會去采用迭能個一種手段哦！勒多數辰光還要上演全武行，就是想方設法個去逃避剃頭發迭樁事體，其實迭種做法并嘸沒多大個用處，熬到最后一刻，還是要乖乖個去剃頭發個。沒用歸沒用，每趟剃頭發前頭吾伲照樣歡喜迭能鬧騰。

? ? ? ? 覅僅是迭能樣子唻，只要是每趟勒剃頭發前頭，吾伲依舊還會故伎重演個，而且還要一趟又一趟、反反復復個，好像迭一類個鬧騰，已然成為一種家常便飯似個，基本浪向儕是經歷過迭種狀況個。

? ? ? ? 至今為止，吾依舊還能夠清爽個去記得迭能個一樁事體，迭樁事體就是－－勒吾讀小學二三年級辰光，有一趟家母倪榴珍煩請藥店里個同事張金榮（勇）利用上班時個空余辰光幫吾剃頭發，【備注：向家母問詢迭位男同事個姓名，因為辰光久遠個原因，家母已記覅清爽最后一個字是叫“榮”還是“勇”。】因為吾也是覅肯剃頭發個，也交關討厭剃頭發個緣故，就搭家母以及伊個男同事大吵大鬧過一架……正所謂有句老話講得邪氣好，曰：“無巧不成書！”恰巧那一天有上級領導唻檢查工作，發現此事后，扣除家母搭男同事當月個獎金。

? ? ? ? 還要想講個閑話就是，勒掰搿辰光，還為啥事體要叫家母個男同事張金榮（勇）幫忙剃一趟頭發呢？！主要是有如下個兩個原因造成個。第一個原因就是：迭能唻做能為屋里向省一眼銅鈿；第二個原因就是：張金榮（勇）覅單單祖籍是蘇北人，而且伊拉個祖上一直儕是干剃頭發迭個營生個，傳到伊個手里起碼已經是第四代人，伊是會剃頭發迭門手藝個，講一句真心話，而且迭門手藝也是邪氣覅錯。

? ? ? ? 伊曾經搭吾勒一道“談山海經”“嘎訕胡”個辰光，告訴過吾，之所以伊會唻藥店做生活，自家就覅想走父輩們個老路。【備注：“談山海經”搭“嘎訕胡”儕是滬語方言俚語，意思指個就是聊天。】

? ? ? ? 迭還覅算啥么事，吾也是演繹過全武行迭樁事體個，曾經自家還去上演過“消地光”個舉動唻哦。“消地光”迭個詞眼是上海崇明地區、江蘇啟東地區、江蘇蘇北等各個地區個方言俚語詞眼，伊個意思通常就是指有人長辰光個躺勒地浪耍賴、覅停個打滾覅肯起唻。

? ? ? ? 回過頭再唻看看迭樁事體，覺得小辰光個吾真個是一眼眼也覅懂事體，就覅應該迭能唻瞎鬧騰個，害得家母以及伊個同事受罰。迭真個是覅吃一塹，難長一智！只有經歷過啥個是錯與對，儕能使自家盡快個成長起唻。經過迭趟教訓之后，類似個錯誤就嘸沒再犯過。

? ? ? ? 仍然讓吾記憶猶新個一樁事體，那就是－－當吾也長大懂事以后，尤其是勒吾剛剛儕開始工作個辰光，每趟去剃頭店剃頭發個辰光，剃頭老師傅所使用個工具是手動個剃頭推子，勒撥每一位顧客剃頭發前頭，伊拉還會得撥手動個剃頭推子上一眼眼油，再去反反復復個一捏一放夾勒手里向個手動剃頭推子，還要讓伊發出嘎噠嘎噠、油潤般個聲響，迭能唻做個目的就是要去試試剃頭推子到底好覅好使用，也唯有當剃頭師傅覺著好去使用時，儕會安心個撥顧客去剃頭發個。

? ? ? ? 吾勒使用手動剃頭推子剃頭發個那些日腳里向，勒一年16趟左右個剃頭發當中，一半辰光去剃頭店剃頭發個，另一半辰光是由家里會剃頭發個親朋、爺娘個好友同事及隔壁鄰居幫忙個。除忒上頭所講個、家母個同事張金榮（勇）以外，還有三姨媽倪金英、三表姐夫張征西、曾經個“老鄰居徐成剛”大哥，或多或少儕有撥吾剃過頭發個。

? ? 【備注：“老鄰居徐成剛”個名字，既是家母告訴吾個，也是音譯而已，盡管講吾家搭伊拉是十幾年將近二十年個鄰居，彼此之間個關系還是交關覅錯，吾從唻嘸沒詢問過伊個具體名字是姓啥，哪能去書寫個，吾有時，覅是叫伊“成剛叔”，就是叫伊“成剛哥”。】

? ? ? ? 吾有認認真真個去思考并考慮過關于“剃頭發”迭樁事體個，勒吾伲那個年代個小囡，還只要是搭吾個年齡是相差無幾不相上下個男小囡們搭女小囡們，覅愿意去剃頭店剃頭發，有如下三個原因造成個，而且男小囡搭女小囡做對比與比較，男小囡就要唻得更多一些。

? ? ? ? 第一個原因就是：再哪能好個一把手動個剃頭推子，辰光一長久而久之長此以往下去個閑話，也會出現問題個，迭個問題就是－－要是長久性個去使用，就會得發生夾頭發個覅好現象，而且像迭種夾頭發個覅好現象，勒剃頭發個全過程當中，覅只是有一兩趟之多哦，而是頻繁個會去發生夾頭發個迭種覅好現象，迭也很可能是導致勒吾伲那個年代里個男小囡，儕是覅愿意去剃頭店剃頭發個原因之一。

? ? ? ? 第二個原因就是：一旦會頻繁個發生夾頭發迭種覅好個現象以后，絕對會疼得邪氣結棍，因為疼痛個交關厲害個緣故，同樣是辰光一長久而久之，有過一兩趟以后，對于像迭種疼痛之感，覅但會去產生一種莫名個恐懼之感，還會去形成一種惡性循環，從而就會導致，覅管是勒剃頭發前頭，還是勒剃頭發個全過程當中，總歸是要去鬧騰一番個，從開場個那一刻起，一直要等到快結束時，儕會停止鬧騰。

? ? ? ? 第三個原因就是：還有一種情況，也同樣導致男小囡覅愿去剃頭店剃頭發。勒剃頭發前頭、勒剃頭發個全過程當中，就是要去鬧騰一番。儕是因為勒男小囡們看起唻，剃頭發個辰光，覅管是屬于“漫長個”，還是屬于“短暫個”，就是屬于“邪氣漫長”個，有“度秒如年”個感覺，還若是碰著難剃個頭型，或剃頭師傅個水平覅唻三，辰光會撥拉得更加長，迭種感覺也會隨之變得越唻越強烈，又好似自家勒受到刑罰搭懲罰一樣，還加之，勒剃頭發個全過程當中，時覅時個會有短頭發觸及身體浪個各個部位，會讓人感到渾身上下儕是癢癢個，一點也覅是邪氣自在個。吾詢問過同齡人，搭吾有相同個感受。

? ? ? ? 等到自家再大一眼個辰光，去剃頭店剃頭發個辰光，已經逐漸個開始推廣使用電動個剃頭推子，勒掰時電動個剃頭推子儕是佩戴有一條長長個電線個，可以搭手動個剃頭推子一道混合著去使用個。

? ? ? ? 自從發明電動個剃頭推子，自然要比手動個剃頭推子，唻得便當省力。畀過，對于手藝交關好個老師傅唻講，依舊會堅持使用手動個剃頭推子。吾也曾向迭些老師傅問過為啥就要迭能唻做？！伊拉儕是異口同聲地唻講道：“用手動個剃頭推子，儕能顯示出自家個手藝搭水平，只因手動推子個難度要比電動個推子高出邪氣多！”……

? ? ? ? 還有個就是，當手動個剃頭推子搭電動個剃頭推子混合勒一道去使用個日腳里向，男性或男小囡去剃板寸頭時，一定要去汏一下頭個，等到汏好頭以后，剃頭老師傅還要去整理修整一下，看看頭浪是否依舊會有高低覅平整個地方，最后再做一趟修整，有一些老師傅儕會去使用電動個剃頭推子修整，好讓男性顧客個頭發變得整齊劃一。

? ? ? ? 到后末唻，全面去普及推廣使用電動個剃頭推子以后，手動個剃頭推子，幾乎可以講是絕跡。去使用電動個剃頭推子，一直儕會有嗚嗚個聲響，而且伴隨著迭種聲響，隨時隨地會發生夾頭發個現象搭恐懼之感，也會緊跟著一道消失忒，迭倒并覅是講，電動個剃頭推子覅會去發生夾頭發個覅好現象，偶爾也有個，幾乎是忽略覅計個。