每個麻甩佬都以為每個黃翠如會將自己當作洪永城
諗住係佢嘅知己藍顏
諗住曾經嘅若即若離
諗住佢永遠同你保持一個安全但又親密嘅距離
你哋好似依然仲有得傾幾句
你潛意識里面會以為喺某一瞬間你哋會係一對
可能係喺紅地氈上
可能係喺某次酒醉之后
可能係喺佢同蕭正楠某次吵交之后
你以為佢仲會搵你
你以為好似以前咁，佢工作受打擊、受了男朋友氣
就一定會喊住打俾你“你喺邊啊，我好唔開心啊”
你就等住呢一刻 急急腳咁沖出去
你明明知道佢 “鐘意陽光型運動型感性型開朗型活潑型總之不是洪永成個臭八公型”
你當然都有講過“鐘意陽光型運動型性感型開朗型活潑型總之不是黃翠如個臭八婆型”
你哋曾經好享受呢種互相欺負的感覺
你先發覺嗰種感覺 只存在記憶里面
你根本冇發現
佢個電話 佢個QQ 佢個微信
已經好耐冇喺你呢度響起過
無論工作定係生活 黃翠如其實最終并唔需要洪永城
佢可能一個人走紅地氈 亦可能搵到蕭正楠一齊走
佢可能因為覺得洪永城已經搵到唐詩詠
亦可能只係覺得黃翠如可以做將來嘅黃翠如 但洪永城只能係過去嘅洪永城
然后有一天 黃翠如宣布 佢已經找到佢嘅他 洪永城獨自在一角 送上祝福
“你終于穿上了嫁衣 這是你最美麗的一天 祝福”
我們都很想用所有的心去祝福大家 “走完紅地氈 人生嘅路 希望你/妳走得更加好。”
唯一唔同嘅係
從此之后
總有那么夜半無人私語時
你希望你係洪永城
而佢 卻只認為你就係你
你係張三李四 阿貓阿狗 小明小喇叭
反正就唔係洪永城
係啵 佢會突然諗起 佢都唔係黃翠如
